وعلى عينك يا تــــاجر

ازيكوا ازيكوا
اخباركم ايه
بعد ما اثبتت بعض النظريت ان الفيس بوك كان السبب الرئيسي في هجر الغالبيه العظمي منا مدونتهم
و الدخول الى الفيس بوك يوميا و اصبح المقالات تكتب في النوتات بدل من المدونات
فبقدم اعتذاري عن الغيبه الطويله دي و ان شاء الله ساعود بقوه من اول و جديد
و يالا بقى نشوف اية الى حصل في دايرتنا يوم الانتخابات و المتوقع حدوثها في جوله الاعادة القادمه ان شاء الله

المهم
عشان تقدروا تستوعبوا معايا
احنا البلد دي كلها اصواتها تحديدا 123.879 صوت
يبقى المدينة تحديدا
73.000 صوت
و الباقي هو الضواحي من البلاد المجاورة
كان عندنا في دايرتنا 33 مرشح فئات و عمال

كان عندنا واحد وفد محدش يعرفه وملوش تاثير فكان كدة او كدة ساقط ساقط حتى لانه مش بيعرف يقول كلمتين على بعض
و
ما شاء الله اللهم لا حسد و لا اعتراض كان عندنا
5 مرشحين حزب وطني اتنين فات و 3 عمال
اوعى وشك
كانت النتيجه معروفه في اول الامر
و لكن قوى الشعب العامله و الحمايه الشعبيه و قول الحق خليك جرىء كانت عامل اساسي في عدم الاستسلام لكف الحزب الحاكم
فكانت النتيجه المتداوله هو سقوط الجمل لانه افترى اول الخمس سنين الى فاتوا فهيسقط هيسقط
الحصان و غصن الزيتون كان بينهم مشوارت
اما
الهلال و القمر فكانت المعركة بينهم في بادىء الامر "معركه تار على حد التعبير الاوضح "

المهم
يوم السبت الي فات كان تقريبا في الدايرة ما يعرف بكل منطقة مرشح او اتنين
فكان كل من هب و دب دخل الانتخابات مع زهول من المرشحين
بائع ساعات في كشك صغيرور .... حرامي موبيلات و مخفى مسروقات
باع فول و طعميه .... اشهر صاحب محل حواوشي عندنا
فكان المنطق ان الغالبيه العظمي يتساقطوا كاوراق الشجر في الخريف
وو كان بعض من العائت تتاخذ ولدا منها كمرشح لها

في تمام الساع ه 8 الا ربع صباحا كانت الحكايه بدئت منذ ان دخل شخص يدلي بصوته و يرى الكشوفات مليانه على اخرها
و محدش عارف مين الى جه بدري اوي كدة يصوت
و كان التصويت مجهول محدش عارف مين
المهم حصل خناقه و الورق اترمي و الصندوق رجع ابيض زي ما كان هو

طبعا كان المراقبين بتوكيلات عامه و توكيلات خاه متواجدين و الامن كان موجود
و كانت الحياه بمبي و لوز
بدئنا نجيب الناس بعربيات تدي اصواتها
و بدئت المنوارات الجانبيه تبدء
فكان يتحالف اتنين عمال مع بعضهم ولاد البلد
و كان التحالف تارة اخرى بين عمال من البلد و عمال خارج البلد مع الاجماع اننا نتنفق مع ترشيح مرشحه الاخوان المسلمين في الكوته و خارج الدائرة لاى مرشحه اخرى خلاف مرشحتي الحزب
اصبحت الوفود تتجه نحو اللجان و لكن لا احد يرغب في اى يدلي بصوته
و ذلك لوصول شائعه ان الفمر هيدفع بالغالي يا حبيبي يا غالي
المهم بدء الناس تتلم و محدش يدخل يصوت
و بدء هنا بعد الساعه 4 العصر ما لا يحمد ابدا
تجيب الزبون من دول يدخل يدي صوته
فجاء و بقدرة قادر تلاقي الزبون مصوت
ازاى يا عم انا لسه جاي و ادي صوابعي اهي من غير اى لون
يقولة يا حضره انت جيت و اتفضل بدل ما ننده الامن
فطبعا انا كمراقب لمرشح فضلت اشوف مين الى تبعي و اقولهم ازاى و نزعق لحد ما يدخل يدي صوته
من هنا لهنا لهنا لهنا
النور قطع في مدرستين في وقت واحد
و هنا بقى كان البقاء للاقوى
فبمعرفتي بكام بلطجي كدة الحمد لله
عمور انت جاي لمين
جاي لفلان
راجل محترم دة مش جايب بلطجيه
طب بص خليك بعيد و احنا هندده ليك عشان تيجي تقفل له معاك قلم
معايا
دخلت الشرطة
وو طبعا مشوفتش حد من ابلطجية
ليه بقى
البلطجية كانت مع الشرطة و الماسجين بيضربوا في ناس معينه
بشوم لو حد شافوا يتخض
بدء الضرب
و انا اشوف الباب بتاع اللجنه يتقفل
بقول لصاحبي شوف
يقولي خلينا للاخر
المهم النور يجي وو يقطع و يجي و يقطع و اللجان تتقفل
بس انا هتكلم ليه يا عم ما الناس دي معرفه و مصاحب ناس منهم هتكلم لو اضربت هموت مثلا هاخد حاجة فانا فضلت واقف و المحترمين فضلوا واقفين بيقنا نقف لاى ست او بنت جايه تنتخب نقولها روحي احسن
مش تقفي
الى كانت جايه و عاوزة تتصطاد عريس بما انه موسم كنا بنسبها
المهم جت النتيجه
المستقن يروحوا بقوا تعبوا طول النهار
يعني الحزب مرشح 5 و بتفكروا تنجحوا
بدئت البشائر تندلع
من خلف لجنه الفرز
و التهييص و المزمار البلدي شغال هنا و هنا وهنا و انت منتش عارف مين هيملك تحت البطرمان
المهم التزوير مفضوح عشان فيه مرشح قام قول للموظف الصندوق دة كام صوت
يقوله 300 ازاى يا جدع الصندوق دة فيه 608 صوت دنا عارفهم صوت صوت
و يبدء المرشح المخضرم في الانتخابات منذ 95 و هو على القبه يستريح و ضاع منه الكرسي مره واحدة
المم تبدء النتيجه تتضارب مره اعادة و مره فوز
و مرة مش عارف مين
و بدئت الحقيقه تبان ان المرشحين فيه منهم مقبض الموظفين
و فيه الى يقول ان مسشار الفرز قابض عن طيرق مستشار من البلد
و اولاد البلد باعوا بعض
و كان المستفيد اولا و اخيرا في تلك المصلحة او السبوبه
البلطجي كان من 2 ل 3 الاف جنيه يوميا طول فتره الانتخابات و لو قفلت تقبض اكتر
و كانت النتيجه
امستنتجه
الهلال و الجمل بيسقطوا عندنا بقالهم عشرين سنه
على الحزب مراعاه النحس و فكه عن طريق القمر و الحصان

على الاخوة المستقلين عليكم الحيطة و الحذر و استخدام البلطجيه اكتر من كدة يعني هاتوا من بره
الحزب الوطني
انت الان تستحوذ على الغالبيه العظمي
و لكن يوجد كما يقالن دستوريا يقول
لابد و ان يمثل 25 % من اعضاء البطرمان المصري من المعارضه
فهل بعد انسحاب المعارضه
هل ستنحل المجلس ؟؟؟؟؟؟؟؟؟ ام سيبقى البطرمان موجود ؟؟؟؟